Kijan pou timoun yo chita pou yo pa gen doulè do

 

Nan lekòl Vision Millénaire, nou remake anpil elèv konn plenyen pou do yo fè yo mal. Souvan, sa rive paske yo pase anpil tan chita mal sou ban lekòl yo. Klib Jesyon Doulè nou an nan Acul des Pins vle bay paran yo ak elèv yo kèk konsèy senp pou evite pwoblèm sa yo.

1. Chita dwat : Do timoun nan dwe apiye byen dèyè nan chèz la. Zepòl yo pa dwe monte nan zòrèy, yo dwe dekontrakte.

2. Pye yo atè : De pye timoun nan dwe poze plat atè a. Si pye yo ap balanse, sa ka rale sou do yo.

3. Pwa sak lekòl la : Yon sak lekòl pa dwe depase 10% pwa timoun nan. Si timoun nan peze 60 liv, sak li pa dwe depase 6 liv. Toujou sèvi ak de braslè sak yo pou pwa a ka separe byen sou de zepòl yo.

Lè nou swiv ti konsèy sa yo, n ap ede timoun nou yo evite gwo doulè lè yo vin gran.